Nag-back out si Davao City Representative Paolo “Pulong” Duterte sa iya nga plano nga magpadalagan bilang Speaker sang House of Representatives.
Suno sa Presidential son, personal niya nga na-istorya ang iya amay nga si Presidente Rodrigo Duterte sa iya plano nga makigbahin sa House Speakership race apang ila duha nakasugtan nga indi pa ini ang insakto nga tion agud nga mangin speaker si Rep. Duterte.
Dugang pa sang natungdan, mahimo man siya sa gihapon nga makabulig sa administrasyon sang iya nga amay sa lain nga pamaagi.
Ginpakigbahin man sang Presidential son nga iya pagasuportahan sa pagka-speaker amo si Davao Rep. Isidro Ungab.
Ginpalab-ot naman ni Pulong kay Presidente Duterte nga mangin kabahin si Rep. Ungab sa speakership race.
Nagpanugyan man siya sa mga Cabinet members nga respetuhon ang desisyon ni Presidente Duterte nga wala sang may i-endorso nga kandidato sa pagka-speaker.
Una na nga nagpabutyag sang interes sa pagka-spekaer amo sanday Taguig City Representative Alan Peter Cayetano, Marinduque Representative Lord Allan Velasco, Leyte Representative Martin Romualdez, Davao del Norte Representative Pantaleon Alvarez, Pampanga Representative Aurelio “Dong” Gonzales, kag Bayan Muna party-list Representative Carlos Zarate.
