ILOILO CITY – Ginpasakaan sang dugang nga kaso ang preso sang San Dionisio Municipal Police Station nga nagpalagyo sa custodial facility.
Ang preso amo si Aries Anabo, 31, kag nadakpan sa Barangay Poblacion, Estancia, Iloilo.
Sa interview sang Bombo Radyo kay Police Lieutenant Soviet Torre, acting chief of police sang San Dionisio MPS, iya ginpahayag nga ginpasakaan sang dugang nga kaso nga Maliscious Mischief bangud sang naguba nga round bar nga gin-agyan niya sang nagpalagyo.
Kung madumduman, sang September 28 sang aga sang nagpalagyo si Anabo kag pagkagab-i, nadakpan man ini sang mga otoridad.
Si Anabo ang nadakpan nga nag-carnap sang tricycle sang Setyembre 20 sa Barangay Tuble sa amo man nga banwa.
