Gin-relieve sa ila posisyon ang hepe kay duwa ka mga personnel sang E.B. Magalona Municipal Police Station sa Negros Occidental.
Ini matapos nga nakapalagyo gikan sa custodial facility ang isa ka rape suspect nga gin-detain sang September 1 matapos ginserbehan sang arrest warrant bangud sa qualified rape sang isa ka menor de edad, kag wala sang piyansa.
Ang na-relieve nga hepe amo si Major Eric Doronilla kag duwa ka jailers.
Suno kay Police Lieutenant Colonel Joem Malong, PRO–NIR spokesperson, ginsaylo si Doronila sa Negros Occidental Police Provincial Office headquarters bilang deputy chief sang Provincial Operations Management Unit.
Gin-assign naman ang duwa ka jailers sa Regional Personnel Holding and Accounting Unit.
Suno kay Malong, ini agud malikawan nga maimpluwensiyahan sang mga natungdan ang motu proprio investigation sang Internal Affairs Service.
Nagbulos naman kay Doronila bilang chief sang police station amo si Police Captain Jyan Carlo Mania.
Si Mania amo ang aide-de-camp ni PRO-NIR director Police Brigadier General Arnold Thomas Ibay.
May gintanyag naman nga P20,000 nga reward sa sin-o man nga makatudlo kun sa diin ang nalagyo nga preso nga isa ka 58-anyos nga manugpangisda.
