Ginapadalman pa sang otoridad kun paano nakaguwa sa presuhan ang isa ka Person Deprived Liberty (PDL) sa Antique kag nakatambong pa sa bunyag sang iya nga anak sa Barangay 3, San Jose de Buenavista sa amo nga probinsya.
Ini nga preso ang naga-edad sang 38-anyos, residente sang Barangay Cansadan-Tubudan sa banwa sang San Jose, kag nakahunong sa Antique Rehabilitation Center bangud sa kaso nga murder.
Sa interview sang Bombo Radyo kay Police Major Geremy Ian Magbanua, hepe sang San Jose Municipal Police Station, iya ginpahayag nga nakabaton sila sang impormasyon halin sa concerned citizen nga nakit-an ang amo nga preso sa guwa sang San Jose Cathedral church nga nagtambong sa bunyag.
Gin-verify sang pulis ang impormasyon sa Regional Trial Court Branch 12 kaangot sa court clearance kun ngaa napaguwa ang detainee.
Bangud wala ini sang clearance halin sa korte, gin-aresto ini sang kapulisan samtang yara sa reception area. Wala man ini sang may mapakita nga dokumento sa otoridad — buot silingon, indi otorisado ang iya pagguwa sa rehabilitation center.
Sa inisyal nga impormasyon, 2011 pa sang nakomiter sini ang murder.
Wala pa sang ihibalo ang pulis kun ngaa nakaguwa ang preso bangud wala napaidalom sa ila hurisdiksyon ang jail facility, apang ginpasalig sini nga imbestigaran nila ang amo nga hitabo.
(Not the actual Photo)
