ILOILO CITY – Nadakpan na ang preso nga nagpalagyo sa Philippine Drug Enforcmeent Agency (PDEA) jail facility sadtong December 6, 2017.
Ini amo si Reynaldo Samson Cavintoy, 28, sang Brgy. Veterans, City Proper kag may kaso nga paglapas sa RA 9165.
Si Cavintoy ang nadakpan sang gintingob nga puwersa sang Toboso Municipal Police Station kag PDEA-6 sa Sitio Mansiguibo, Brgy. San Isidro, Toboso, Negros Occidental.
Nahibaluan nga dal-on kuntani sa Iloilo Hall of Justice si Cavintoy para sa hearing sang iya kaso, sang ini ang nagpalagyo.
Suno kay PDEA-6 regional director Wardly Getalla, antes nadakpan sa Toboso si Cavintoy, nagasaylo-saylo ini sang lugar sa diin nakit-an ini sadto sa Barangay Tula-tulaan, Dingle, Iloilo; banwa sang Ajuy kag sa Anilao, Iloilo.
Sa karon nagapadayon ang imbestigasyon sang PDEA kun sin-o ang nagtago kay Cavintoy kag kun matumod suno kay Getalla, nakahanda ang ahensya nga pasakaan ini sang kaso.