ILOILO CITY – Gindula ni presumptive vice president Davao City Mayor Sara Duterte ang kahangawa sang pila ka mga Pilipino may kaangtanan sa posible pagbag-o sang martial law historical record sa tion nga magpungko na ini bilang Education Secretary.
Suno kay Duterte-Carpio, mabudlay ini nga himuon kag indi ini prayoridad.
Ginpahayag man ni Duterte-Carpio nga may yara siya sang executive experience apisar nga indi siya eksperto sa patag sang edukasyon.
Ini ang reaksyon sang presumptive vice president matapos sang ginpahayag sang Alliance of Concerned Teachers (ACT) nga wala sang track record si Duterte-Carpio agud nga masolbar ang madamo nga problema sang education system.
Ginpahayag man ni College Editors’ Guild of the Philippines Deputy Secretary General Regina Tolentino nga ibutang gid lamang ni Duterte-Carpio sa indi maayo nga sitwasyon ang education system sang pungsod.
Nagpanawagan si Duterte sa publiko nga hulaton anay ang iya proclamation antes niya sabton ang mga concerns sa K-12 program kag pagpataas sang sweldo sang mga maestra.
Samtang, iduso niya mandatory nga military service apang indi ang Reserve Officers’ Training Corps (ROTC).
Nahibaluan nga una na nga ginpahayag nga iduso niya sa Kongreso nga magpasar sang hagna nga nagahimo sang military service nga mandatory sa tanan nga 18 anyos, babayi man ukon lalaki.
