Wala sang lauman nga daku nga pagsaka sa presyo sang agricultural commodities pag-abot sang Christmas holidays!
Suno kay Department of Agriculture (DA) spokesperson kag Assistant Secretary Arnel de Mesa, wala ini ginalauman bangud maayo ang suplay subong sang mga produkto bangud stable man ang local production kag nagapadayon ang pagsulod sang imported products sa pungsod.
PNA photo by Ben Briones
Sa karne sang baboy kag manok suno kay De Mesa, wala man sang dapat problemahana sa local production.
Sa baboy pa lamang suno sa natungdan, may dugang nga 300,000 metric tons nga ma-produce subong lamang nga quarter.
Sa bugas naman suno sa natungdan, estable man ang presyo halin sang nabawi na ang ginpatuman nga price ceiling sa well-milled kag regular-milled varieties. #
