ILOILO CITY – Nagnubo na ang presyo sang bombay sa mga merkado sa syudad sang Iloilo.
Humalin sa P600, yara nalang ini subong sa P280- P300.
Sa interview sang Bombo Radyo kay Alyas Toto, vendor sa Iloilo Terminal Market, iya ginpahayag nga ini na ang resulta sang pagsulod sang imported onions.
Nagdamo naman suno sa iya ang mga local onions bangud nga harvest season na subong.
Bangud sang pagnubo na sang presyo sang bombay, halos nagsaka na sa 50 percent ang gindamo sang mga nagabakal.
Kun suplay naman ang pagahambalan, madamo naman ang nagasulod sa merkado.
Magluwas sa imported onions, nagasulod na ang mga locally produced onions nagikan sa Pangasinan kag Ilocos Region.
