Nag-contribute sang dako sa pagtaas sang inflation sa bulan sang Setyembre ang pagtaas sang presyo sang bugas kag isda, apang nagnubo ang presyo sang meat products suno sa Philippines Statistic Authority Region 6 (PSA-6).
Suno kay Nelida Amolar, ang Regional Director sang PSA-6, ang gamay nga produksyon sang palay sa rehiyon sa subong nga tion ikumpara sang nagligad nga tuig, ang nangin rason sang pagtaas ang presyo sang bugas.
Pahayag pa niya, nagtaas man ang presyo sang isda bangud sa mga nagligad nga binulan nga mga storm signals nga nakaapekto sa pagpangisda kag supply sini.
Ginpahayag man ni Amolar nga ang pagnubo sang presyo sang meat products ang bangud sa madamo nga production kag supply nga kalabanan naghalin sa mga backyard piggyries
Dugang pa niya, sa nasambit nga bulan, yara na sa 9.2 ang inflation rate kag nagapangaduha na ang Western Visayas sa national level.
