Ginapaabot sang Department of Agriculture nga mas maganubo ang presyo sang bugas sa Disyembre subong nga tuig matapos nga gin-lift na sang India ang ginpatuman sini nga export ban.
Suno kay DA spokesperson Arnel de Mesa, ini nga lihok ang magapabuhin sang presyo sang imported rice halin sa India ipaanggid sa mga bugas nga halin sa Vietnam kag Thailand.
Ini bangud magadamo ang ma-trade sa lain-lain nga mga pungsod kag maapektuhan gid ang international rice.
“Dahan-dahan kasi imagine coming tayo from 55 naging 52, 50. Ngayon nakakita na tayo ng 42 hanggang 45 malaki na yon, very significant change na ‘yun sa drop ng presyo ng bigas. But we are still expecting na kaya pang bumaba,” suno kay De Mesa.
Una nga gin-implementar sang India ang ban sang Hulyo 2023.
Magluwas diri, una naman nga ginplastar sang agriculture deparment nga magahagan-hagan man ang presyo sa bugas kun mag-epekto na gid ang Executive Order No. 62 nga amo ang nagpanubo sa taripa sa imported rice sang 15%.
Ginpasalig man dugang sang ahensya nga padayunon sini ang pag-monitor sa agricultural products sa mga pantalan agud nga wala sang magtinir kag tayuyon lang ang pag-sulod kag pagguwa.
(Photo: KJ ROSALES)
