ILOILO CITY – Lauman nga maganubo ang presyo sa kada litro sang diesel samtang may gamay nga pagsaka sa presyo sang kada litro sang gasolina sa masunod nga semana.
Sa oil trading monitoring sang nagligad nga apat ka adlaw, base sa Mean of Platts Singapore (MOPS), ang presyo sa kada litro sang diesel ang maganubo sang P1.00 tubtob P1.20.
Ang presyo naman sang gasolina ang magasaka sang P0.50 tubtob P0.70 sa kada litro.
Ang ginapanan-aw nga price adjustment ang mahimo nga magbag-o.
Lunes, isa ka adlaw antes ang pagpatuman, nagapagwa na sang abiso ang mga oil companies sang price adjustments.
Epektibo Hulyo 26, ang mag fuel firms ang nagpatuman sang rollback sa gasolina nga nagdangat sa P0.40 sa kada litro; ang diesel ang nagnubo sang P1.85 samtang ang kerosene ang nagnubo sang P1.30 sa kada litro.
Ang year-to-date total adjustment ang may net increase nga P18.90 sa kada litro sang gasolina, P32.95 sa kada litro sang diesel kag P28.05 sa kada litro sang kerosene.
