Ipatuman ang senintimos nga rollback sa presyo sang produktong petrolyo sa masunod nga semana.
Suno sa Department of Energy – Oil Industry Management Bureau subong nga Byernes, Enero 2, ang gina-forecast nga adjustments sa fuel prices ang ginbase sa tatlo ka adlaw nga trading sang Mean of Platts Singapore (MOPS).
Gasolina: posible nga may rollback nga P0.50
Diesel: posible nga may rollback nga P0.15
Kerosene: posible nga may rollback nga P0.20
Ini nga estimates wala pa nagalakip sang operating cost sang mga kumpaniya sang langis kag iban pa nga mga premium.
Ang ginalauman nga rollback ang naangot sa paghagan-hagan sang geopolitical risks, possible matabo nga global oversupply, mahina nga demand expectations sa major consumers kaangay sang China, kag amo man ang OPEC+ policy kag market balance.
Kinaandan nga gina-anunsyo sang oil companies ang adjustments sa oil prices sa kada Lunes, kag dungan ini nga gina-implementar sa kada Martes sang aga.
