Lauman ang senintimos nga pagnubo sa presyo sang diesel kag kerosene sa masunod nga semana.
Sandig sa international fuel trading sa nagligad nga apat ka adlaw, yari ang posible nga adjustment suno sa Department of Energy-Oil Industry Management Bureau:
Diesel – posible nga rollback nga P0.45 per liter
Kerosene – posible nga rollback nga P0.25 per liter
Posible naman magsaka sang P0.70 kada litro ang presyo sang gasolina.
Suno sa DOE, wala pa nalakip sa expected amount sang adjustments ang operating cost sang oil companies kag iban pa nga premiums.
Lakip sa ginhinambit nga mga factor nga maangot sa estimated adjustments amo ang nagakatabo sa nagkalain-lain nga bahin sang kalibutan nga makabig geopolitical concerns. Halimbawa diri amo ang pag-atake sang Ukraine sa oil infrastructure sang Russia, ang pagsaka sang tension sa tunga sang Estados Unidos kag Venezuela, kag ang global crude oil supply surplus.
Mahimo madeterminar ang final adjustments pagkatapos sang Mean of Platts Singapore trading subong nga Byernes.
Gina-anunsyo sang fuel companies ang opisyal nga price adjustments kada Lunes, kag gina-implementar naman sa kada Martes sang aga.
Sang nagligad nga Disyembre 2, P2.90 ang gin-nubo sa diesel samtang P3.20 naman ang rollback sa kerosene.#
