Posible suno sa Department of Energy (DOE) nga magalab-ot sang masobra 80 pesos kada litro ang presyo sang diesel kun magapadayon ang gyera sa Middle East kag kun indi pahat-pahat ang pagpatuman sang price hikes.
Ang nasambit nga posibilidad ginpresentar ni DOE Oil Management Bureau Director Rino Abad sa hearing kahapon nga adlaw sang Senate Committee on Foreign Relations.
Dugang pa ni Abad nga mas malala ang natabo nga gyera sa tunga subong sang United States kag Iran kumpara sa natabo sang nagligad sa Russia kag Ukraine nga mas naka-apekto sa presyo sang krudo sa world market.
Ginpahayag man ni Abad nga kun magpadayon pa ini may posibildad nga magalab-ot sa 90 pesos ang presyo sang kada litro sang diesel kag gasolina ilabi na kun indi pag-amat-amaton sa pagdugang ang presyo sang produktong petrolyo.
