Duha ka beses gid nga pasakaan ang presyo sang diesel, kerosene, kag gasolina sa subong nga semana.
Base ini sa mga abiso nga ginpaguwa sang oil companies kaangay sang Chevron Philippines Inc. (Caltex), Petron Corp., Seaoil Philippines Corp., kag Shell Pilipinas Corp.
6:00 buwas sa aga, Hunyo 24, magataas ang presyo sang gasolina sang P1.75 kada litro; P2.60 sa diesel; kag P2.40 sa kerosene.
Pagka-Huwebes, Hunyo 26, may kaangay man nga adjustments sa amo man nga fuel products.
Lain ini nga arrangement ipaanggid sa nakaandan sang mga motorista kun sa diin Martes lang gina-implementar ang oil price adjustments.
Antes sini, matandaan nga may request nga ginhimo ang Department of Energy (DOE) nga naga-ayo sa mga kumpaniya sang langis nga utay-utayon lang ang pagpatuman sang saka-presyo.
Sang nagligad nga semana, nagpaguwa sang forecast ang DOE Oil Industry Management Bureau nga may big-time increases bangud sa masingki nga away sang Israel kag Iran nga may daku nga epekto sa alagyan sang mga global shipping.#
