Magasaka ang presyo sang gasolina kag maganubo naman ang presyo sang diesel kag kerosene epektibo buwas sa aga, Oktubre 20.
Base sa advisories sang oil companies, magadugang sang P0.10 ang presyo sa kada litro sang gasolina. May rollback naman nga P0.70 sa diesel kag P0.60 sa kerosene.
Una nga gin-project sang Department of Energy-Oil Industry Management Bureau (DOE-OIMB) nga may matabo nga rollback subong nga semana.
Ginbasehan sang ahensya ang pagsobra sang supply sa crude oil, pagbuhin sa global oil demand forecast, kag ang pagtahaw sang geopolitical risks.
Sang nagligad nga semana, nagsaka sang P0.30 ang kada litro sang gasolina samtang sa kerosene naman may pag-us-os nga P0.20. Wala sang pagbag-o sa presyo sang diesel sang nagligad nga semana.#
