Gin-anunsyo na sang fuel retailers ang pinal nga adjustments para sa presyo sang produktong-petrolyo subong nga semana.
Maganubo sang P0.20 ang presyo sang kada litro sang gasolina; samtang magasaka naman sang P0.60 ang kada litro sang diesel, kag magasaka man sang P1.30 ang kada litro sang kerosene.
Ini ang una nga rollback sa gasolina matapos ang anum ka sunod-sunod nga semana nga may yara sang pagsaka sa presyo.
Sa pihak nga bahin, ini naman ang pang-apat nga magkasunod nga semana nga may price hike sa diesel.
Una na nga na-project sang Department of Energy-Oil Industry Management Bureau (DOE-OIMB) nga may mixed movements subong nga semana bangud sa pila ka mga rason kaangay sang global supply, demand, kag geopolitics.
Ipatuman ini nga adjustments epektibo buwas sa aga.
