May ipatuman nga rollback sa presyo sang produktong-petrolyo sa masunod nga semana.
Base sa estimates sang Department of Energy, yari ang iganubo sa presyo:
Gasoline – rollback of P0.70 to P1.00
Diesel – rollback of P0.65 to P0.95
Kerosene – rollback of P0.70 to P0.80
Suno kay DOE-Oil Industry Management Bureau assistant director Rodela Romero, naka-base ini sa nauna nga apat ka adlaw sang trading sa international oil market.
Lakip sa ginaangot nga rason sa rollback amo ang pagpanubo sang OPEC+ sang ila nga oil demand forecasts sa ikaapat nga tion.
Ginaangot man ini sa pagpanubo sang US Energy Information Administration sang ila 2025 crude price forecast sa $1.53 per barrel bangud sa ginalantaw mas mataas nga global oil production.
Ginalantaw man ang mahina nga ekonomiya sang China kun sa diin negatibo ang panglantaw sang investors sa Chinese demand.
Lunes masami nga gina-anunsyo sang oil companies ang price adjustments kag ipatuman epektibo sa Martes sang aga.
