Love month matuod ang Pebrero apang indi para sa bulsa sang mga motorista nga pat-od nga masakitan gid bangud sa panibag-o nga saka sa presyo sang produktong petrolyo nga ipatuman sa masunod nga semana.
Ginbasehan sang Department of Energy-Oil Industry Management Bureau ang oil tradong sa nagligad nga apat ka adlaw.
Yari ang posible nga adjustment:
Gasoline – magasaka sang P0.75 tubtub sa P0.95 per liter
Diesel – magasaka sang P1.50 tubtub sa P1.70 per liter
Kerosene – magasaka sang P1.05 tubtub sa P1.15 per liter
Suno sa ahensya, ang saka sa presyo ang posible maangot sa drone attacks kag pagpangsunog sa mga oil facilities sa Russia agud nga hungod nga maguba ang linya sang suplay kag logistics.
Pananglitan ipatuman na ang saka-presyo, ini na ang ikalima nga sunod-sunod nga semana nga may price increase sa produktong petrolyo.
Masami nga Lunes gina-anunsyo sang oil firms ang ila pinal nga price adjustments kag ipatuman naman epektibo sa kada Martes.
