Magasaka ang presyo sang produktong petrolyo sa masunod nga semana.
Suno sa Department of Energy-Oil Industry Management Bureau, yari ang posible nga pagtaas base pa lamang sa four-day trade monitoring:
- Gasolina – P0.50/per liter
- Diesel – P0.40/per liter
- Kerosene – P0.10/per liter
Mahimo ini madugangan pa suno sa DOE depende sa katapusan nga adlaw sang trading.
“Yung pagbaba ng tax ng United States for the week ending on Aug. 15 na sinasabi po nila, mataas yung kanilang refinery demand,” suno kay DOE Oil Industry Management Bureau Assistant Director Rodela Romero.
Ginaangot man ini sa geopolitical tension sa tunga sang US kag Russia, ilabi na bangud wala sang nadihon nga peace deal sanday President Donald Trump kag President Vladimir Putin sang nagkit-anay sila sa summit sa Alaska sang nagligad nga Sabado.
Ang Russia ang third-largest oil supplier suno sa ahensya gani nga reactive ang oil prices sa political activities sang amo nga pungsod.#
