ILOILO CITY – Posible nga may yara sang mixed movements sa presyo sang gatung sa masunod nga semana.
Suno kay Department of Energy Oil Industry Management Bureau Assistant Director Rodela Romero, base sa Mean of Platts Singapore four-day trading, posible nga wala sang adjustment ukon may yara sang minimal increase sa presyo sang gasolina kag kerosene apang ang diesel ang posible nga magasaka sang P0.10 tubtob P0.20 per liter.
Ang ini nga numero ang posible nga maglain pa depende sa resulta sang trading subong nga adlaw.
Ang Mean of Platts Singapore amo ang basehan sang pricing sang refined petroleum products sa Southeast Asia.
