ILOILO CITY – Pagkatapos sang 10 ka sunud-sunod nga semana nga pagsaka sang presyo sang gasolina kag ika-11 naman sa diesel kag kerosene, ginalauman nga maganubo na ang presyo sang produktong petrolyo sa masunod nga semana.
Kun basehan ang four-day petroleum trading humalin sang September 18 tubtob September 21, ginpahayag sang isa ka oil industry source nga ang presyo sang kada litro sang diesel ang mabuninan sang P0.40 tubtob P0.60.
Ang gasolina naman ang ginapatihan nga maganubo sang P0.10 tubtob P0.20 per liter.
Apang ginpahayag ni Department of Energy-Oil Industry Management Bureau Assistant Director Rodela Romero nga posible pa nga magbag-o ang actual price adjustments depende sa resulta sang trading subong nga adlaw sang Byernes.
