Natalana nga magsaka ang presyo sang sardinas, instant noodles, kag iban pa nga mga produkto subong nga 2024.
Suno sa Department of Trade and Industry (DTI), ang manufacturers sang sini nga mga produkto ang may yara sang pending nga petition para sa price increase.
May yara man sang petisyon nga pasakaan ang presyo sang canned meat, kape, bottled water, asin, kag condiments kag mangin sang iban nga kinahanglanon kaangay sang baterya, kandila kag habon.
Pahayag sang ahensya, yara sa P0.25 to P7.25 ang range sang price hike depende sa produkto kag sa kabug-aton.
Sa pagkamatuod suno pa sa DTI, 2022 pa lang, naghingyo na ang manufacturers sang price increase apang nagsabat man ang gobyerno nga ipaiway anay ang ila nga petisyon.
Suno kay DTI Assistant Secretary Amanda Nograles, padayon pa nga naga-istoryahanay ang ahensya kag ang mga manufacturers para makasugtanay kag ma-balanse ang problema.
Aminado ang opisyal nga indi na mapunggan ang manufacturers subong nga 2024 ilabi na bangud pila ka beses na nga wala naaprubahan ang petisyon.
Sa 200 ka items nga nalista sang DTI sa “necessities and prime commodities”, ang manufacturers sang 63 diri ang nag-request sang price hikes.
Apang pahayag naman sang opisyal, indi man ini pagtingubon sa nga subong nga Enero — halimbawa, unahon ang una man nga naka-file sang request sang early 2022 kag sang 2023. #
