ILOILO CITY– Wala pa sa gihapon nagtaas ang presyo sang isda nga ginabaligya sa mga merkado sa palibot sang syudad sang Iloilo.
Sa interview sang Bombo Radyo kay Tina Apostol, Vice President sang mga manugbaligya sa Lapaz Public Market, iya ginpahayag nga sa subong, wala pa sang problema sa baligyaanay sang isda bangud nga kun madamo ang supply, wala man sang pagtaas sang presyo.
Ang ila subong nga ginareklamo suno kay Apostol, amo ang nagakatabo nga retail sa Iloilo Fish Port complex.
Apektado na sila suno kay Apostol bangud nga ang customers ang nagaderetso na lang sa pagbakal sa Iloilo Fish Port complex.
Nagpatigayun naman sila suno kay Apostol sang pagsinapol agud istoryahan kun paano mahagan-hagan ang nagakatabo nga retail sang isda.
Kun tani suno sa iya ang Iloilo Fish Port complex ang para lang sa pag-wholesale sang isda.
