Kumpyansa ang Department of Agriculture (DA) nga maganubo gid subong nga bulan ang presyo sang karne sang baboy.
Ginplastar sang spokesperson sang ahensya nga si Undersecretary Arnel V. de Mesa ang nagaayo nga produksyon kag ang pasalig sang industriya nga maga-us-os ang presyo sang produkto sa merkado.
Suno sa opisyal, nagsugtanay ang pork producers, traders, kag retailers nga repasuhon ang ila nga cost structures antes ang pagpatuman sang maximum suggested retail price (MSRP).
Ginbalikan man ni De Mesa nga nagnubo na gani ang presyo sini sa P214 kada kilo halin sa P250-P260 sang nagligad nga Pebrero.
Ginpasalig naman sang Malacañang nga ang kasim (shoulder) kag ang pigue (leg) mahimo man magnubo sa P350 tubtub sa P360 per kilo sa Marso 10, sandig sa update nga ginhatag ni Agriculture Secretary Francisco P. Tiu Laurel, Jr.
Base pa sa tiglikom, ginalauman nga ang liempo (belly) magatupa sa P380 per kilo.
Una na ginsiling nga amat-amat lang ang pag-implementar sang MSRP nga ginalantaw maga-umpisa sa Marso 10.
Base man sa report sang Philippine Statistics Authority, ang karne sang baboy amo ang highest contributor sa inflation rate sang Pebrero nga nagtupa sa 2.1%.
