Nagnubo ang presyo sang liquefied petroleum gas (LPG) product sa imbukada nga semana sang Abril matapos ang tatlo ka sunod-sunod nga bulan nga may pagsaka sa presyo sini.
Sa advisory sang Petron, nakasaad nga ginbuhinan ang presyo sini sang P1 per kilogram (kg) ukon total nga P11 per 11-kg cylinder.
Epektibo ini kahapon sang udto, Abril 1.
Suno pa sa kumpaniya, gina-reflect sini ang international contact price sang LPG subong nga bulan sang Abril.
Kun matandaan, sang Marso, may 30-sentimos nga saka sa kada kilo sang produkto. Ang pinakadaku naman nga price hike subong nga tuig ang ginpatuman sang Enero sang nagsaka ang presyo sang P3.40 kada kilo.
Sa latest nga data sang Department of Energy (DOE), ang presyo sang 11-kilogram LPG cylinders sa Metro Manila ang nagatupa sa P830.00 tubtub sa P1,068 sang bulan sang Marso.#
