Nagdangat na sa P250 ang kilo sang manok sa diin P190 naman ang pinakanubo sa pila ka mga merkado.
Suno kay Department of Agriculture Undersecretary Deogracias Victor Savellano, padayon sila nga naga-istorya sa poultry sector sa tunga sang pagtaas sang presyo sang manok sa merkado.
Nagpasalig man si Savellano nga magahatag sang mga interbensyon sa mga raiser nga apektado sang nagkalain-lain nga pagpanghangkat sa pungsod kaangay sang mataas nga balor sang produksyon, importasyon sang mga feed additives, kag ang mga epekto sang avian influenza.
Nahibaluan nga humalin sang Oktubre 2023 tubtob Abril 2024, ang average nga farm gate prices sang manok ang nagnubo sa P91.47 kada kilo halin sa P101.32 kada kilo.
