Nagtaas ang presyo sang pagkaon sa bug-os nga kalibutan sang Oktubre — ini pinakamataas nga lebel sa sulod sang 18 ka bulan, nga may daku nga pagtaas sa bili sang vegetable oil.
Suno sa Food and Agriculture Organization, ang FAO Food Price Index, nga nagabantay sang bulanan nga mga pagbag-o sa international price sang basket of food commodities, naglab-ot sa 127.4 points sang nagligad nga bulan, duha ka porsyento nga pagtaas gikan sa Septyembre.
Ini ang pinakamataas halin sang Abril 2023 apang 20.5 percent gihapon nga mas manubo sangsa pinakamataas nga nalab-ot sang Marso 2022 kasunod sang pagsalakay sang Russia sa agricultural powerhouse nga Ukraine.
