Estable ang presyo sang mga panakot nga ginagamit sa paghimu sang mga kakanin sa Iloilo Terminal Market kadungan sa nagahiapit nga pista minatay.
Sa interview sang Bombo Radyo kay Valen Estember, isa ka vendor sa nasambit nga merkado, iya ginpahayag nga wla man sang problema sa ila pagbaligya bangud may yara sang bastante nga suplay.
Suno sa iya, wala man sang pagbag-o sa presyo sang pilit kun sa diin yara sa P80 kada kilo, lakip na ang binokbok nga pilit.
Samtang, ginpahayag man niya nga wala sang dapat kulbaan ang publiko nga magkulang ang suplay sang kalamay bangud nga bastante ang mga ini.
Pahayag niya, nagabalor sang P80 ang kilo mascubado, P70 pesos per kilo naman ang white sugar kag P65 per kilo naman ang brown sugar.
Ginakabig man nila nga isa sa mga posible nga maghatag sang kabudlayan sa ila negosyo ang brownout, nga mahimo makaapekto sa ila operasyon.
Dugang pa ni Estember, nagapreparar na ang mga vendor para sa pagpalapit nga Pista Minatay, kun sa diin ginapaabot ang posible nga pagdamo sang mga manugbakal ilabi na sa adlaw sang Oktubre 31 kag Nobyembre 1.
