ILOILO CITY – Masobra duha ka bulan antes ang paskwa, nagsaka na ang presyo sang pila ka mga produkto nga ginagamit sa Noche Buena.
Ang brand sang hamon ang nagtaas sang P5 kada kilo kun ikumpara sa presyo sini sa nagligad nga tuig.
Halos P5 naman ang ginsaka sang presyo sang mayonnaise kag sandwich spread.
Ang isa naman ka brand sang cheese ang nagsaka sang P20 samtang P3 tubtob P4 ang ginsaka sang fruit cocktail.
Suno kay Trade Undersecretary Kim Bernardo-Lokin, posible nga nagsaka ang presyo samtang nagahilapit ang paskwa bangud nga wala ang mga ini nalakip sa mga produkto nga may suggested retail price.
Sa Nobyembre pa suno sa iya natalana nga magpagwa sang price guide ang ahensya para sa Noche Buena items.
Suno naman kay Philippine Amalgamated Supermarkets Association President Steven Cua, nagapadayon ang pagsaka sang presyo sang mga produkto sa supermarket nga wala indi makabig nga basic kag wala gina-monitor sang Department of Trade and Industry.
