Ginalauman nga magnubo na ang presyo sang tamudyos ukon galunggong sa mga merkado sa masunod nga bulan.
Suno kay Association of Fresh Fish Traders of the Philippines President Jonjon Santos, i-lift na ang fishing ban nga ginpatuman sa kadagatan nga sakop sang Palawan.
Ini ginapanan-aw nga maga-resulta sa pagsaka sa suplay sang tamudyos, kag masabat man ang kakulangan sang tamban ukon sardines.
Matandaan nga sang Nobyembre, gin-authorize sang Department of Agriculture ang importation sang at least 25,000 metric tons sang tamudyos, bigeye scad, mackerel, bonito kag moonfish agud ma-address ang posible matabo nga shortage sa suplay sang isda sa tunga sang ginapatuman nga fishing ban. ##
