ILOILO CITY – Wala sang pagbag-o sa presyo sang isda kag utanon subong nga kwaresma.
Sa interview sang Bombo Radyo kay Petche delos Reyes, fish vendor sa Iloilo Central Market, iya ginpahayag nga apisar Semana Santa, ginpakamaayo nila nga indi magpataas sang presyo agud makabenta sila.
Suno kay delos Reyes, maiwat ang seafood subong nga kwaresma.
Apang sa pihak sini, wala man nagpasaka sang presyo ang ila supplier.
Kaangay sang isda, wala man nagmahal ang presyo sang utanon.
Sa interview sang Bombo Radyo kay Victoria Dosejo, vegetable vendor sa Iloilo Central Market, iya ginpahayag nga mabakal sa subong ang utanon.
Suno kay Dosejo, indi na nila kinahanglan pa nga pataasan ang presyo sang utanon bangud mabawi man nila ang ila nga capital.
