NIGERIA- Hugot nga ginapanugyan ang paggamit sang scarf bilang preventive measures sa mga nagatrabaho sa Nigeria.
Suno kay Bombo International Correspondent Edwin Pancho Fario Jr., iya ginpahayag nga naka lockdown sa Nigeria bangud sa paglapta sang Coronavirus Disease 2019 (COVID-19) rason nga limitado ang hulag sang tanan.
Suno kay Fario, mahimo man makaguwa sa balay agud nga magbakal sang kinahanglanon apang kinahanglan nga tapuson ang transaksyon antes pa man ang curfew.
Magluwas sa COVID-19 suno kay Fario, ginakahangaw-an man ang kidnapping kag pagpangawat rason nga sa iya ginatrabahuan nga kompaniya, hugot ang ginapatuman nga security measures.
