ILOILO CITY – Madamo nga mga aksidente sa dalanon ang ginakaulamiran sang mga private to private nga mga salakyan sa syudad sang Iloilo.
Sa interview sang Bombo Radyo kay Pol. Col. Efren Lozada, Chief sang Traffic Investigation Enforcement Unit sang Iloilo City Police Office, iya ginpahayag nga nagapangaduha lamang ang ang mg Public Utility Vehicles kag ginasundan sang motorsiklo kun aksidente sa dalanon ang pagahambalan.
Suno kay Lozada, masami nga nagaluntad ang aksidente sa dalanon 8:00 sa aga kag 5:00 sa hapon.
Ini bangud nga kun aga, madamo sang mga nagatrabaho sa opisina kag estudyante ang nagabyahe padulong sa ila kaladtuan kag sa hapon naman ang tion na sa pagpauli.
Pahayag pa ni Lozada, 600,000 nga mga salakyan ang nagasulod sa syudad sang Iloilo nagikan sa nagkalain-lain nga probinsya sa Western Visayas
Masami naman nga ginaluntaran sang aksidente sa dalanon ang Taft North, Mandurriao; Tacas, Jaro; kag Ticud, Lapaz, Iloilo City.
Sa Mandurriao, na rekord ang aksidente sa dalanon humalin sang Agosto 1 tubtob 19 ang 91 ka mga private to private nga salakyan; 42 ka mga PUV lakip na ang 20 ka mga Public Utility Jeepneys; 22 ang mga taxi; 15 ka mga motorsiklo kag tatlo ka mga truck.
Dugang pa sang natungdan, mas ginapili na lamang sang mga driver nga hitsu-on ang aksidente nga nagakatabo sa diin wala na nagalab-ot pa sa pagpasaka sang kaso.
