JAPAN – Ginkansela ni Japanese Prime Minister Fumio Kishida ang iya byahe sa Central Asia kasunod sang paandam sang mga
scientists nga preparahan ang possible matabo nga “megaquake” sa ila pungsod.
Suno kay Bombo Josel Palma, international correspondent sa Japan, una na nga nagpagwa ang Japan Meteorological Agency (JMA) sang advisory matapos ang natabo nga magnitude 7.1 ga linog sa nabagatnan sang Japan nga ginkapilas sang walo ka mga indibidwal.
Si Kishida ang mapadulong kuntani sa Kazakhstan, Uzbekistan kag Mongolia kag nagaplano nga magtambong sa regional summit.
Nagakadapat man suno sa natungdan nga mangin mabinantayon ang publiko agud indi na masulit pa ang natabo sang 2011 sa diin gintay-og ang Japan sang major magnitude-9.0 nga linog nga ginsundan pa sang makamamatay nga tsunami kag nuclear disaster.
Sa amo nga insidente, ginabanta 18,500 ka mga indibidwal ang napatay kag na-missing.
