NEW ZEALAND – Napili-an liwat bilang Prime Minister sang New Zealand si Jacinda Ardern paagi sa landslide victory sa ginpatigayon nga general election.
Mas ginpaboran sang mga botante ang 40 anyos nga si Ardern kag ang centre-left Labour Party bangud sa pagpatuman sang decisive response sa COVID-19.
Bangud sini, mahimo nga makatukod sang labing una nga single-party government si Ardern sa sulod sang pila ka dekada agud ipadayon ang una niya nga ginpromisa nga progressive transformation.
Ang Labour Party ang nakakuha sang 64 gikan sa 120 seats sa unicameral parliament kag ini ang pinakamataas nga party rating humalin sang ginpatuman ang proportional voting system sa New Zealnd.
Nagpalab-ot naman sang pagpanginbulahan sa Prime Minister si opposition National Party leader Judith Collins nga nag-concende sa eleksyon.
