Prime suspect sa pagpatay sa punong barangay nga utod sang drug lord, wala na sa Visayas – PRO-6

ILOILO CITY – Wala na diri sa Western Visayas ang ginatudlo prime suspect sa pagpatay kay Punong Barangay Remia Prevendido GregorI.
Sa interview sang Bombo Radyo kay PRO-6 director Chief Supt. John Bulalacao, iya ginpahayag nga yara na sa Luzon ang ginatudlo nagpangamot sa pagpatay kay Gregori.
Nagpamalibad naman si Bulalacao nga hingadlan kun sin-o ang amo nga suspetsado.
Nagapabilin nga motibo sa krimen amo ang pagkaangot sang punong barangay sa illegal drugs.
Sa subong suno kay Bulalacao, padayon ang manhunt operation agud nga madakpan ang suspetsado.