Ginpa-iway anay nanday Prince William kag Prince Harry ang ila indi paghangpanay kadungan sang ika-60 nga kaadlawan sang ila iloy nga si Princess Diana.
Ila ginsapubliko ang estatwa sang ila iloy nga nahamtang sa garden sang anay puluy-an ni Diana sa London sa Kensington Palace.
Sang gin-anunsyar sang 2017 ang proyekto, naglaum ang mag utod nga makabulig ini sa mga tawo sa pag-reflect sang ila kaugalingon sa kabuhi sang ila iloy kag sa iya nga legasiya.
Nahibaluan nga napatay si Diana sang 1997 sa edad nga 36 anyos sa isa ka car crash.
Sa pihak sang “very personal” family event sang nangin seremonya sa kaadlawan ni Diana, ang tanan nga mata ang yara sa mag-utod sa posible tension nga matabo.
Una na nga ginpahayag sang royal biographer nga si Robert Lacey nga magapabilin ang tension sa tunga nanday Prince William kag Prince Harry.
Mangin ang asawa ni William nga si Kate ang nagpahayag nga wala gid ginpakilala sa ila nanday Harry kag Meghan Markle ang ila anak ng si Lilibet Diana umpisa sang ini ang ginbun-ag sang tinalikdan nga bulan.
