Magatambong si Prince William sa lubong ni Pope Francis sa Sabado.
Si William nga amo ang manunubli sang trono kag future head sang Church of England ang magatiglawas sa iya amay nga si King Charles.
Ini ang kabahin sang pagpabilin sang tradisyon sang royal family.
Nahibaluan nga si King Charles, nga sadto Prince of Wales pa lang, ang nagbyahe man agud magtambong sa lubong ni Pope John Paul II bilang tiglawas sang iya iloy nga si Queen Elizabeth II, sang 2005.
Magluwas kay William, magatambong man sa lubong sanday US President Donald Trump kag Ukrainian President Volodymyr Zelensky, kag iban pa nga world leaders.
