Ginbawian gid sang kabuhi sa ospital ang isa ka principal nga natiruhan sang isa ka estudyante nga suspek sa isa ka eskwelahan sa southern Thailand.
Natabo ang insidente sang Miyerkules kun sa diin magluwas sa principal nga si Sasiphat Sinsamosorn, natiruhan man ang isa pa ka babaye nga estudyante.
May isa man ka estudyante nga padayon pa nga ginabulong sa ospital matapos nga naglumpat ini sa building samtang nga padayon ang pagpang-hostage sang 18-anyos nga suspek.
Sa sulod sang duha ka oras nga standoff, na-trap man ang mga estudyante kag mga manunudlo sa Phatong Prathan Keeriwat School building.
Indi pa klaro kun ano gid ang motibo sa pagpang-atake apang may nagaguwa sa local reports nga may daan nga hiligut-anon ang estudyante sa isa ka manunudlo sa amo nga buluthuan.
May nagagwa man nga impormasyon nga may history sang drug abuse kag mental health issues ang suspek.
Nanggamo ini sa area, kag sang nag-abot ang pulis, gin-agaw sini ang pusil kag gindala sa sulod sang eskwelahan.
Nahibaluan nga isa ang Thailand sa may pinakamataas nga rate sang gun ownership kag gun-related deaths sa Asya, apang malaka ang nagakatabo nga mass shooting.
