BELGIUM– Nagpositibo sa Coronavirus Disease 2019 (COVID-19) si Prince Joachim nga hinablos ni King Philippe sang Belgium matapos ang pagtambong sa isa ka party sa Spain.
Suno sa spokesperson sang Belgian Royal Palace, nagtambong sa pagtililipon ang 28 anyos nga prinsipe sa southern City sang Cordoba, Spain.
Indi pa makumpirma kun pila gid ka persona ang nagtambong sa nasambit nga pagtililipon apang nagpadulong sa Spain si Joachim para sa internship kag nagtambong sa pagtililipon kaupod ang 26 ka mga persona.
Magapatigayon sang imbestigasyon ang Spanish Police bangud ang sin-o man nga mapamatud-an nga naglapas sa protocol ang pagamultahan sang 600 tubtob 10,000 euros ukon P34,000 tubtub P560,000.
Sa subong, naka quarantine ang prinsipe lakip na ang iya mga kaupod.
