Kumpyansa ang National Economic and Development Authority (NEDA) nga malab-ot sini ang target nga mapondohan ang priority projects sang Marcos administration sa 2025 bisan nga indi na pagpasakaan sang panibag-o ang buwis.
Ini nga budget para sa ginaduso nga 2025 national budget kag priority projects sa idalom sang Philippine Development Plan (PDP) ang na-istoryahan sa meeting ni President Ferdinand Marcos, Jr. kaupod sa economic managers, Speaker Martin Romualdez kag Senate President Francis Escudero sa Malaca ang.
Suno kay NEDA Secretary Arsenio Balisacan, daku nga parte sini ang iga-pain para sa food security kag pagpaayo sang economic climate paagi sa pagpaayo sang access sa imprastraktura kag kalidad sini.
Indi na kinahanglan ang pagpanukot sang dugang nga buwis suno sa tiglikom bangud may yara na sang fiscal consolidation program. Ginpasalig man sini nga on track sila sa pagpatuman sini nga plano.
“We have our fiscal consolidation program that tries to meet the targets, the deficits, the debt and at what levels those are in the medium term and we re keeping track in implementing, you know, we re on track in implementing that plan, pahayag sang opisyal.
Kahapon sang ginpangunahan sang Senado kag Kamara ang una nga adlaw sang pagsapol sang bicameral conference committee sa proposed P6.352-trillion national budget.
