Private universities and colleges, 'di basta makapasaka sang tuition fee bangud sa free tuition sa SUCs – CHED

ILOILO CITY Gindula sang Commission on Higher Education (CHED) ang kahangawa nga magsaka ang tuition fees sa mga pribado nga unibersidad kasunod sang libre nga edukasyon sa mga state universities and colleges.
Kadungan sang pagbisita sa siyudad sang Iloilo, ginpasiguro ni CHED Commissioner Prospero de Vera nga indi mahimo nga basta na lang magpasaka sang tuition fee ang mga pribado nga unibersidad.
Kinahanglan suno kay De Vera nga may pahanugot ini nagikan sa CHED.
Nahibaluan nga pila ka mga pribado nga unibersidad kag kolehiyo ang nagpahayag sang kahangawa nga magnubo ang ila enrollees bangud sang libre nga tuition fee sa mga state universities and colleges.
Bangud sini, ginalauman nga bawion sang mga pribado nga unibersidad ang galastuhon sa pagpadalagan sang eskuwelahan paagi sa pagpasaka sang tuition kag miscellaneous fees.