ILOILO CITY– Agresibo ang Police Regional Office 6 sa lihok agud matapna ang insurgency sa rehiyon.
Ini ang may kaangtanan sa ceremonial signing sang implementation plan sang Peace Law Enforcement and Development Support cluster sang Regional Task Force to End Local Communist Armed Conflict , nga ginpatigayun sa Police Regional Office 6 headquarters.
Sa interview sang Bombo Radyo kay Police Brigadier General Rene Pamuspusan, iya ginpahayag nga nagapakig-angot sila sa Philippine Army, para sa trainings sang mga kapulisan, agud may ideya man ang mga pulis kun paano mabatuan ang insurgency.
Lakip man sa matun-an sang kapulisan sa militar suno kay Pamuspusan, amo ang sa patag sang operations, investigation, kag pagpasaka sang kaso.
Aktibo man sila suno sa natungdan, sa pagsuporta sa militar sa pagpakigbato kontra insurgency.
