Wala sang may nakita nga problema ang Philippine National Police (PNP) sa proposal ni Chief Presidential Legal Counsel Atty. Salvador Panelo nga dumilian ang riding-in-tandem ukon pag-angkas sa motorsiklo.
Sa interview sang Bombo Radyo kay Pol. Lt. Col. Joem Malong, spokesperson sang Police Regional Office 6 (PRO 6), iya ginpahayag nga isa ka maayo nga obserbasyon ang ginhimo ni Panelo.
Suno kay Malong, pinaagi sa sini nga tikang, posible mapanubo ang kaso sang mga riding-in-tandem incident.
Nakahanda man ang PNP suno kay Malong nga ipatuman ang pagdumili sang pag-angkas sa motorsiklo sa tion nga may ara na sang polisa ukon layi nga magasuporta diri.
