ILOILO CITY – Wala sang nakita nga problema ang Philippine National Police (PNP) sa pagpa-armas sa mga barangay officials.
Kasunod ini sang pahayag ni Presidente Rodrigo Duterte nga armasan ang mga barangay officials.
Suno kay Police Regional Office (PRO) 6 director Chief Supt. John Bulalacao, antes mahatagan sang arms luthang, nagakadapat anay nga ma-training sang maayo ang mga barangay officials.
Nagakadapat man suno kay Bulalacao nga mangin responsable ang mga barangay officials sa paggamit sang armas luthang.
Samtang, wala man ginadula ni Bulalacao ang posibilidad nga mangin private armed group (PAGs) ang mga barangay officials sa tion nga mahatagan sang lisensiya nga magkapot sang armas.