ILOILO– Ginarekomenda ni Police Regional Officer 6 Director Police Brigadier General Rene Pamuspusan sa Philippine National Police headquarters nga ipaidalom sa retraining ang 19 ka mga pulis sa Pototan Municipal Station sa Pototan Iloilo.
Sa interview sang Bombo Radyo Iloilo kay Pamuspusan, iya ginpahayag nga isa ka drastic action ang pagpaidalom sa mga pulis sa retraining sa Subic bangud sa insidente sa diin nadakpan nga naga-inom samtang nagaduty kag ang isa ang nagpalupok pa sang armas sadtong Hulyo 18.
Nagapati si Pamuspusan na ang 45 ka adlaw nga values and leadership training ang makahatag sang reyalisasyon sa mga kapulisan sa ila responsibilidad kaupod na ang disiplina kag pagpasigurado nga ginasunod ang polisa ang PNP Headquarters.
Madumduman nga sang ginsaway ni Police Major Ronnie Brillo, hepe sang Pototan Muncipal Police Station ang mga naga-inom nga pulis nga sanday Patrolman Joerick Ace Ilisan kag Corporal Esil Peñarubia, nangakig pa ang mga ini kag nagpamahog pa si Ilisan nga patyon ang ila hepe.
