ILOILO – Ginkumpirma ni Police Regional Office (PRO) 6 Director Police Brigadier General John Bulalacao nga magaretiro na siya sa masunod nga bulan.
Sa interview sang Bombo Radyo kay Bulalacao, iya ginpahayag nga mangin epektibo ang iya mandatory retirement sa Hunyo 27, 2019.
Ginpahayag ni Bulalacao nga kun siya lamang ang pahanugutan, indi pa siya mag-retiro sa serbisyo.
Sa pihak sini, ginpahayag man sang PRO-6 Director nga luyag naman niya nga mahatagan sang tion ang iya pamilya.
Sa masobra isa ka tuig niya nga pagserbe bilang Regional Director sa Western Visayas, ginpahayag sang natungdan nga madamu na man siya sang nangin ‘accomplishment’.
