POTOTAN, ILOILO – Suportado ni Police Regional Office 6 Director Police Brigadier General Rene Pamuspusan ang pagpasaka sang kaso batok sa duha ka pulis nga nagmaoy sa Pototan, Iloilo.
Ini ang kasunod sang pagbisita personal ni Pamuspusan sa Pototan Municipal Police Station matapos ang pagpahubog kag pagpahog sang duha ka pulis nga sanda Patrolman Joerick Ace Ilisan kag Police Corporal Esil Peñarubia nga patyon si Police Major Ronnie Brillo, hepe sang nasambit nga police station.
Sa interview sang Bombo Radyo kay Pamuspusan, iya ginpahayag nga nagakadapat gid nga kasuhan sanday Ilisan kag Peñarubia.
Ini bangud nga suno kay Pamuspusan, ginadumili-an ang mga pulis nga mag-inom sa pampubliko nga lugar ukon samtang naga-duty.
Magluwas sa duha ka pulis, mahimo man nga maulamid sa kaso ang iban pa nga mga naka-on duty nga pulis bangud sa indi pagsaway ukon indi pagpugong kanday Ilisan kag Peñarubia.
Liwat nga ginpahanumdom sang Regional Director nga iya padayunon ang internal cleansing sa hanay sang Philippine National Police.
