ILOILO CITY- Wala ginakabig nga dako nga problema sang bag-o nga liderato sang Police Regional Office 6 ang insurhensiya sa rehiyon.
Sa interview sang Bombo Radyo kay PBGen. Rolando Miranda, iya ginpahayag nga duha ka fronts nalang ang naga-eksister sa rehiyon nga amo ang Southern Front sa bahin sang first district sang Iloilo kag porsyon sang Antique; kag ang Central Front sa bahin naman sang third district sang Iloilo kag porsyon sang Capiz.
Suno kay Miranda, may mga programa naman ini nga nakalinya para batuan ang insurhensiya apang nagpamalibad ini nga idetalye.
Ginpahayag naman ni Miranda nga sa bulig sang Armed Forces of the Philippines kag mga Local Government Units, masolbar ang problema sa insurhensiya.
